Thursday, December 30, 2010

Hum mil bhi sakte the, paar kya kare ‘kayal’

Kuch tum nahi badle, kuch hum bhi ziddi the

maa kehti thi bachpan main
bhay-sahas ke yudh main
jeet sada hoti hain sahas ki

jab thoda bada hua toh padha
toh padha ganit main
ki iski prayikta (probability) hoti hain adhi

jab thoda aur bada hua toh mahsus kiya
ki aisa hamesha hi ho jata hain
sahas jeet jata hain aur bhay haar jata hain

aaj bees saal baad yeh samjha hain
ki sahas asimit hain aur bhay simit
issliye hamesha jeet jata hain

jaane mahsus karne aur samajhne main
kitna waqt lag jata hain?
kabhi bees saal aur kabhi jeevan

Suraj ki garmi se bhag rahi

Paani ki boond boond

Jab bhag bhag ke thak gayi

Toh katra katra jud bana badal

Jab badalon se bhar gaya asaman

Toh suraj ki garmi hi naa rahi

Aur aaj jab barse hain badal

Toh sab badal gaya hain

Abb garmi ki jagah sheetalta hain

Jo prani-prakruti main ghar kar rahi hain

Paani ke sahas ne sab kuch badal diya hain

Abb naa garmi hogi na tapan

Naa ghutan ka woh ehsaas

Hain toh sirf aas

mere charo aur aas paas

abb phul khilenge, haryli hogi

garmi se kuch mahine hi sahi

rahat hogi

lekin kab tak?

Shayad tab tak

Jab mujhe phir garmi ki zaroorat hogi

Prakrati-niyati ko samajhte huye bhi

Bhawon main yun beh jana

Kya hain, prakrati, niyati ya jeevan?

Filhaal toh shayad yeh ek prashana hain

Aur main jeevan main jeevan dhoondhta jeevan….