dekha kai din baad 'kayal' jab unhe

toh kashmkash kya kahe kya nahi, kya kare kya nahi

aetbaar toh hain ki tum pehchaan logi

paar kashmkash, pehchaan main hun yaa nahi

kuch yaadein hoti hain sach, kuch sach yaad iss kadar

ki soch kar hain gumsum, kahi khawab toh nahi

apni kursi paar issi soch main the gumsum

ki khawab hi hoga, zindagi itni hasin toh nahi

gunahgar devta

ek gunah, farishton ki basti main jo kiya

jeena dushwar ho gaya

dekhkar farishtoh ki berukhi

bharosa fanna ho gaya

jo pahucha hun abb gunahgaron ki basti

toh dil halka hai

shayad apni sacchai ka

gumman fanna ho gaya

abb samne hai sawal hazar

kaun hain farista? kaun gunahgar?

aur 'gunahgaron ke devta' ko kya ho gaya?

gunahgar devta ya devta gunahgar ho gaya?

khabar chappi hai akhbaar main aaj

'wafa, bewafa ho gaya'

ek gunahgar aaya tha farishton ki basti se

woh 'gunahgar devta' ho gaya

Dekh bhi rahe hain

aur darr bhi hain ki koi dekh na le

baimaan hain meri nazar bhi

paar darr hain koi nazar pakad na le

main badal gaya hun

lekin darr bhi hain ki koi samajh na le

tumahare paas hone ka kaisa yeh ehsaas hain

ki hain bhi aur darr bhi ki woh samajh na le

ek jado-jahad hain andar ki kya kare kya nahi

aur jo kiya hain kahin koi, samajh na le

“apne hi eham main gum the itna

ki khud ko hi dekha nihara tareef ki,

aur sunkar apne hi bol kayal itne ho gaye

sacchai paar rakha takiya pankha chalaya soo gaye”

aaj maine ek dhoodh ka glass

bada sambhal ke rakha

usse Dhaka plate se

usse rakha door sabse

usse rakha bahut paas apne

sabse bachakar

inta sab kar

apne kaam main itna masroof hua main

ki usse bhool hi gaya

aur woh mere hathon hi gir gaya

shayad cheezon ko bachane ke liye

unhe yaad rakhna hi kafi hota hai

Jihad

kyunki tumhari nazar main kufr hun main

tumhari jihad mujhse ho sakti hai

ho sakti hain unn bacchiyon se bhi

jo school jaana chahti hai

unn maa bheno se bhi

jo parda nahi karna chahti

uss insaniyat se bhi

jo dharm ko kitabon tak nahi rakhna chahti

unn zebano se bhi

jo faslon ko baat chit se bharna chahte hai

aur shayad unn aam insaano se bhi

jo dhamakon se roz mare jaate hain

paar meri jihad toh sirf tumhare unn vicharon se hain

jo insaan se khuda ke diye haq chin lete hai

Ek din raste paar ek kutte ka bacche

Roo raha tha bahut

Toh mera padosi usse ghar le aaya

Usse khilaya pilaya

Aur uske galle main ek patta pehnaya

Bandh diya hain ek rassi se usse

Abb woh roz raat ko roota hai

Mere padosi ki shikayat hai

Kutta usse soone nahi deta

Pata nahi insaan ne kutte ko bandha hai

Ya kutte ne insaan ko

Ek din main roota hai ek raat ko

Lekin abb dono dukhi hai

Kya isse hi pyar kehte hai…

woh mujhse ladti rahi

main usse ladta raha

ek din jo chup hua main

woh roo kar chali gayi

main hun yaa nahi

hain sawal ya nahi

kya yehi hain sahi

main wahi jo nahi

tum the ya nahi

thi baat ya nahi

bas jung ek hi

ki jung ho ya nahi

main ladu ya nahi

kya dekhna sahi

hain sawal ya nahi

kya karu kya nahi

hoga kabhi ya nahi

khwaab haqiqat-e-zindagi

ho gayi phir baat wahi

abb kya kahe kya nahi

main hun ya nahi

kya sahi kya nahi

bas sawal ek hi

ho sawal ya nahi

ek baar maine ek bacche se poocha

humayun-akbar main baap kaun hain

aur kaun hain beta...

usne pahele mujhe dekha, sarr khujaya aur ek min soch ke bola

akbar hain baap

aur humayun beta...

maine kaha , wah mere sher

tune toh itihaas hi badal diya

bete ko baap aur baap ko beta kar diya...

woh aankh michalte huye bola

main toh bas akbar janta hun

humatun toh paheli baar suna hain

uss bacche ke massom jawab ne lajawab kar diya hain

kaun kiska baap hain

jisne janam diya ya jisne pehchan......

how to capture darkness on canvas?

How to express silence in words?

Are these questions question?

Or answers…

Where does the question ends and answer begins?

Fusion in confusion is not always tension

Yet there remains question

Are there lines?

If not why can’t I capture darkness?

Or express silence in words?

Sometimes we are left with answers

Which look like questions…..

Change

I was drawing a sketch

And it grew dark till the time I completed it

It isn’t what I wanted to draw

It isn’t what it is

Sometimes I ask myself

What it is?

I searched long for a name

I finally got one, it’s ‘change’

'dhool ka kaan' udd jata hain hawa ke jhoonke ke sath

dhoondhne ke liye apni ek jagah

jaha woh akela ho, sabse alag ho

jaha ho uska apna astitva

akela hokar hi woh yeh samajh pata hai

dhool se dur hokar

dhool se alag hokar bhi

hai toh akhir woh bhi dhool hi

aur phir udd jata hain ek aur hawa ke jhoonke ke sath

ussi dhool main mill jaane ke liye

jaha se woh aaya tha, yeh jaankar

dhool se alag dhool ka koi astitva nahi hota....

uska srujan tabhi sambhav hain

jab iss dhool se fasal bane, khilona bane

jab iss dhool se ek ghar baane, moorti baane

aur yeh sampoorna sansar uska srujan- mancha baane

'iss dhool se dhool tak ke safar main hum dhool huye jaa rahe hain, aur phir bhi unhe yehi shikayat hai ki mere kamare main itni dhool kyu hain'

The words 'invention' and 'discovery' are so close yet so far. One says i made it i am the master. Other says it was always there, it was my pleasure to know it. I know not who did it but i didn't. It is the pleasure in being what we are rather that trying to be what we are not. And in the process being something which we do not want to be. It is the basic difference between the want and a need. It is the ego which differentiates the two. And indeed one of the reason behind pain in this world. Sometimes it takes one's life time to understand it, sometimes a moment. This journey from invention to discovery is long yet so short, meaningless yet so meaningful.

Its not my actions but the purpose behind the actions that makes me unique.

kabhi socha naa tha
tumse milkar main main na rahunga
milkar mujhse tum tum na rahogi
aur main tum milkar hum ho jayenge
socha na tha ki
yun do patte tairte huye paani paar ek ho jayenge
socha na tha ki
yeh pathar paani main yun ghul jayenge
socha na tha ki
tum yun milloge achanak
socha na tha ki
hum pyaar main yun pagal ho jayenge

socha na tha 'kayal' shayd

iss pyar main shayd hum kuch soch bhi naa payenge....

bas tere ho jayenge

bas tere ho jayenge

"hummne utar diye dil ke zakhm paanno paar 'kayal'

aur unhone kaha kya khoob likhe ho, kya khoob likhte ho"

Ek ek aur sathi chut gaya
Aisa kya kiya tha maine
ki who mujhe root gaya
ek aur sathi chut gaya

kuch bichade aankhon main aansu bhar jaate hain
sathi kuch milane ka vada kar jaate hain
jaane yeh pal kyu ruk sa gaya
ek aur sathi chut gaya

abb toh tumhara roth jana bhi yaad ata hain
tera har yarana yaad aata hain
yeh kya hain jo mujhse choot gaya
ek aur sathi chut gaya

kuch pal the kitne aanjane pal
abb lagta hain apne the bas woh char pal
abb woh pal bhi jaise chut gaya
ek aur sathi chut gaya

jab tum the toh tumhari kami na thi
jab nahi ho toh yaad aate ho
yeh kaun sa thookda tha dil ka jo chitak gaya
ek aur sathi chut gaya

jab kuch na tha toh tum the
abb tum na honge toh kaun hoga
jaise dil hi mera toot gaya
ek aur sathi chut gaya

Har koi jee raha hain apne armaan mujh main
Jaane kiski zindagi jee raha hun main

Aankh main bhi aansu hain apne nahi
Yeh kiske gammon paar roo raha hun main

Mujhe pata hain tum aaogi nahi kabhi
Phir bhi tera intezar kyu kar raha hun main

Mujhe pata hain ki bhram hain
Phir bhi kal main aaj dhundh raha hun main

Mujhe pata hain ‘kayal’
Phoolon ke khilne ke hote hain mausam

Kisi bina muasam ki barish ka
Intezar kar raha hun main

Pata hain ki tum woh nahi
Phir bhi tum main usko dhundh raha hun main

Milna na milna hain kismet ki baat
Ek koshish kar raha hun main

'haal kya bataye abb tumhe hum apna
kuch hum bata na payenge, kuch tum samjh naa paoge'

'Yeh baat azeeb hain paar baat yehi hain zindagi mai
Kuch cheeze na badle toh har cheez badal jaati hai'

‘Kayal’ ko maat batao duniya ki sacchai
Ki woh toh pagal hain

Usse maat batao sacchai jung ki
Ki who khud ghayal hain

Kehte hain shahar main dhamaka hua hain
woh kehta hain tooti kisi behan ki payal hain

Usse nahi dikhte signal paar ghumte bacche
woh kehta hain kisi ki life royal hain

Neta baimaan hain who manta hi nahi
Bad amli main doobi sabki smile hain

Dekho ‘kayal’ aaj bhi khadi main bapu hain zinda
teynaat har mulk ki sarhad par misile hain

Hummne kaha Bahut gandde ho kayal naha dho lo
woh kehta hain 'Dirty' hona hi aaj ka style hain